Dashurinë për legjendën e muzikës pop, Michael Jackson, Olta Gixhari e ka treguar hapur sonte edhe në YFSF, pas interpretimit të shkëlqyer të Flaka Krelanit.

Performancën e këngëtares gjakovare, aktorja e njohur e skenës e ka shijuar në këmbë pa e fshehur emocionin për artistin e madh dhe këngët e tij.

Interpretimi i Flakës i ka rikthyer Oltës kujtimet dhe mallin e këngëve të këngëtarit të madh të pop-it, aq sa, kur Flaka iu afrua jurisë dhe hipi në tavolinën e saj, Olta nuk e përmbajti veten dhe e puthi në buzë.

Entuziazmit të Oltës iu bashkua edhe pjesa tjetër e jurisë dhe e publikut, të cilët, përveç vlerësimit maksimal që i dhanë Flakës dhe interpretimit të saj, justifikuan edhe reagimin e Oltës, madje edhe puthjen e saj të zjarrtë për Michael-in, idhullin e saj të përjetshëm.

Flaka Krelani mori vlerësimit maksimale nga të tre anëtarët e jurisë dhe nga kolegët e saj, pikët e të cilëve e renditën të parën mbrëmjen e sotme në YFSF.